Mizajou sou Maladi Kowonaviris (COVID-19)
Published by:
Maladi Kowonaviris 2019 oswa COVID-19 (ke yo te konn rele Nouvo Kowonaviris 2019 oswa 2019-nCoV) se yon nouvo viris respiratwa.
Dènye Mizopwen
- Apati 1ye Mas 2021, Boston avèk Commonwealth ap antre nan Faz 3, Etap 2 nan plan relouvri Eta Massachusetts la. Sepandan, gen kèk pati nan plan pou relouvri Eta a k'ap retade nan vil Boston jiska 22 Mas. Pou plis enfòmasyon sou endistri ki afekte yo, ale sou Boston.gov/reopening
- Klinik vaksinasyon COVID-19 nan Reggie Lewis Track ak Athletic Center nan Roxbury Community College ap louvri jodi 2 Fevriye pou moun ki gen randevou. Pou plis enfòmasyon, vizite boston.gov/coronavirus
- Tès COVID-19 lan gratis e li disponib pou nenpòt moun kèlkeswa sentòm ak asirans ou nan Strand Theatre, ki nan 543 Columbia Road, Upham nan Dorchester. Ou pa oblige inskri, ou ka jis vini e tès la disponib lendi ak mèkredi soti nan 8:30 a.m. - 4:00 p.m. Tanpri rele ofis majistra a pou enpòt kesyon nan 617-534-5050. boston.gov/covid19-testing
Tèks "BOSKreyol" bay 888-777 pou ka resevwa nouvèl infòmasyon chak jou sou koronaviris(COVID-19) nan Boston.
This page has been translated from English to Haitian Creole. For information related to the coronavirus (COVID-19) in English, please visit our website.
Mask pou kouvri figi ou
MESAJ ODYO
SENTÒM
Yo rapòte ke moun ki genyen COVID-19 genyen maladi respiratwa ki modere oswa grav ak sentòm fyèv, tous, respirasyon kout ak difikilte pou respire. Nan sitiyasyon grav, li ka lakoz bwonchit, nemoni, sendwòm respirasyon grav, defayans renal e menm lamò. Sentòm COVID-19 gendwa sanble ak pa grip yo.
Sentòm yo gendwa parèt ant de ak 14 jou. Moun ka transmèt maladi a pi fasil lè yo gen sentòm (tankou-grip) epi y ap touse, estène ki kapab pwodui ti goutlèt (ki ka transfere maladi a).
Si w panse w te enfekte rele yon medsen avan w deplase ale nan etablisman swen sante.
PRATIKE DISTANS SOSYAL
Nan moman sa a n ap mande tout rezidan pou pratike distans sosyal:
- Rete anviwon sis pye distans parapò ak lòt moun.
- Evite foul ak ankenn rasanbleman.
- Pratike bon lijyèn: kontinye lave men w - pou ven (20) segond chak fwa, sèvi ak dezenfektan pou men, kouvri bouch ak yon sèvyèt oswa anndan koud bra w’ lè w ap touse oswa estène, epi rete lakay ou si w malad.
Genyen moun ki an pi gwo risk maladi grav si yo kontrakte viris sa a. Pami endividi gwo risk yo genyen:
- Granmoun aje
- nenpòt moun ki genyen maladi tankou, si ou fè kè oswa maladi poumon oswa dyabèt
- nenpòt moun ki genyen sistèm iminitè fèb, ak
- fanm ansent.
Tanpri limite kontak ou ak moun ki sa yo ki anba gwo risk pou COVID-19. Si w ap viv ak yon moun ki anba gwo risk, pratike distans sosyal. Nou tout genyen responsablite pèsonèl pou pran swen tèt nou ak lòt moun, pou pwoteje tèt nou ak moun nou renmen yo.
REPONS VIL BOSTON
Depi janvye, Komisyon Sante Piblik Boston (Boston Public Health Commission, “BPHC”) ak Boston EMS te fè anpil avanse nan preparasyon kont yon epidemi potansyèl COVID-19.
BPHC ak Boston EMS antrene pou reponn ak maladi kontajye. Nan jou ki sot pase yo, nou te rive kanpe, dirije gwo kanpay sansibilizasyon, swivi ak repons kont grip SARS, MERS ak H1N1. Nou pral fè menm bagay la kont COVID-19.
Nou gen konfyans ke Vil Boston pral pare pou yon repons efikas ak san danje ofiramezi sitiyasyon an ap devlope.
REPONS ETA A AK REPONS FEDERAL
Eta Massachusetts ap mete enfòmasyon ajou sou ka COVID-19 yo ansanm ak rezidan ki nan karantèn nan Massacusetts yo. Vizite paj wèb MDPH sou COVID-19 pou enfòmasyon sou karantèn ak swivi nan ‘Commonwealth’ (Massachusetts) la. Sant pou Kontwòl Maladi ap fè swivi sou ka konfime yo nan tout Etazini.
Pou dènye enfòmasyon sou ka yo jwenn yo, vizite sitwèb CDC sou COVID-19.