Atualizason sobri Duénsa di Koronavírus (COVID-19)
Published by:
Duénsa di Koronavírus di 2019 ô COVID-19 (antis el ta txomaba Nóvu Koronavírus di 2019 ô 2019-nCoV) é un nóvu vírus rispiratóriu.
Ultimu Atualizason
- A partir di dia 1 di Marsu di 2021, sidadi di Boston ta alinha ku segunda etapa di tersera fazi di planu di reabertura di Stadu di Massachusetts. Nu entandu alguns partis di planu di reabertura ta ser adiadu na Boston te 22 di Marsu. Pa mas informason sobri industrias ki ta ser afetadu, vizita boston.gov/reopening
- klinika di vaccinacao di Covid-19 na Reggie Lewis Track Center na Roxbury Community college ta sta aberto hoje, 2 di Fevrero pa alguem ki tenem consulta marcado. Pa mas informacon, visita Boston.gov/coronavirus
- Testi gratuitu di Covid-19 na Strand Theater na 543 Columbia Rd na Upham's Corner sta disponivel pa kualker alguen independenti si bu ten seguru di saudi o si sta sinti sintomas o naun. Testi sta disponivel Segunda y Kuarta Fera di 8:30 di palmanha te 4 hora di tardi. Pre -inskrison ka e necesariu. Pur favor txoma linha di saudi di Munisipiu na 617-534-5050 si bu teni algum pergunta. boston.gov/covid19-testing
Manda um mensajen ku palavra BOSkriolu pa 888-777 pa bu resebi informason atualizadu diaramenti sobri coronavirus (COVID-19) na Boston.
This page has been translated from English to Cape Verdean. For information related to the coronavirus (COVID-19) in English, please visit our website.
Maskara na kaza
Gravason di audio
SINTÓMAS
Pesoas ku COVID-19 dja manifesta duénsa rispiratóriu lévi a gravi, ku sintómas di fébri, tósi, falta di ar y difikuldadi na rispira. Na kazus gravi, el pode kauza bronkiti, pneumunia, síndrumi rispiratóriu agudu gravi, insufisiénsia renal y mésmu mórti. Sintómas di COVID-19 pode ser semelhanti a gripi.
Sintómas pode parse entri dos y 14 dia. Pesoas ta sta más infeksiozu óra ki es ta aprizenta sintómas (sima di gripi) y es fika ta tôsi, ta spira y ta pruduzi gotinhas.
Si bu ta atxa ma bu foi infetadu, txoma bu médiku antis di bu bai pa kualker stabelesiméntu di saúdi.
PRATIKA DISTANSIAMÉNTU SOSIAL
Nes muméntu li, nu sta ta pidi tudu morador pa pratika distansiaméntu sosial:
- Fika serka di un métru y meiu di distánsia di otus algen.
- Ivita lugaris ku txeu algen.
- Bons prátika di ijieni: kontinua ta laba mô, uza dizinfetanti di mô, kubri tósi y spira na lénsu di papel ô na parti di déntu di kutubélu, y fika na kaza si bu stiver duenti.
Alguns algen ta kóre más risku di panha duénsa gravi di kel vírus li. Pesoas di altu risku ta inklui:
- adultus más bédju
- kualker algen ku prubléma di saúdi subjasenti, sima duénsa kardíaku (di kurason) ô di pulmon ô diabeti
- kualker algen ku sistéma imunolójiku fraku, y
- grávidas.
Pur favor, limita bus interason ku pesoas ku maior risku di COVID-19. Si bu ta mora djuntu ku algen di altu risku, pratika distansiaméntu sosial. Nos tudu nu ten risponsabilidadi pesual di kuida di nos kabésa y di otus pesoa, pa pruteje nos kabésa y kes algen ki nu kre txeu.
RISPÓSTA DI KÁMARA MUNISIPAL DI BOSTON
Désdi mês di janeru, Boston Public Health Commission (BPHC, Kumison di Saúdi Públiku di Boston) y Boston EMS toma mididas abranjenti pa pripara pa un pusível surtu di COVID-19.
BPHC y Boston EMS sta trenadu pa risponde a duénsas infeksiozu. Na pasadu, nu utiliza ku susésu abordajens di maior sensibilizason, monitorizason (vijilánsia kontinuadu), y rispósta pa SARS, MERS, y gripi H1N1. Nu ta ben faze mésmu kuza pa COVID-19.
Nu sta konfianti ma Kámara Munisipal di Boston ta sta priparadu pa da un rispósta siguru y ifikás na midida ki es situason ta bá ta ivului.
RISPÓSTA DI STADU Y FEDERAL
Stadu di Massachusetts sta ta atualiza informason sobri kazus di COVID-19 y moradoris ki sta sujeitu a kuarenténa na Massachusetts. Vizita pájina di internéti di MDPH sobri kuarenténa y monitorizason di COVID-19 na es Stadu li. Centers for Disease Control (CDC, Séntrus pa Kontrolu di Duénsas) sta ta monitoriza kazus konfirmadu na Stadus Unidu.
Pa bu ten últimus informason sobri kontaji di kazus, vizita site na internéti di CDC sobri COVID-19.